Egnatia shpreson të shtojë avantazhin e pikëve, duke parë ndeshjet delikate në transfertë të ndjekësve më të afërt, Partizani e Vllaznia. Në javën e 25 të Superiores, që do të luhet mes të dielës e të hënës, në fakt, sfidat më të forta janë ato për katërshen finale. Mund të vendoset shumë për mbijeteswn, kur Kukësi e Erzeni, dy të fundit, të sfidohen mes tyre.
Rrogozhinasit do të zbresin në fushë të parët kundër Teutës, që kërkon të mbajë larg zonën e rënies direkte nga kategoria me shpresën për të reduktuar katër pikët që e ndajnë nga ajo shpëtimit. Tetova pas humbjes në Shkodër pret reagimin e skuadrës, për tu shkëputur edhe më shumë nga ndjekësit. Në të njëtën orë të dielën, në 13.30, Kukësi e Erzeni do ti japin jetë betejës së mbijetesës, me shijakasit që pas suksesit në Kupë shpresojnë të zhysin poshtë blutë, për të vazhduar luftën me Teutën.
Lexo më tej: Skuka kthehet në 10 mars, humb 3 ndeshje: rezonanca magnetike zbulon kontraktim të fortë muskular
Partizani nuk do ta ketë aspak të lehtë transfertën e Korçës, në orën 17. Të besuarit e Shehit, që vijnë nga dy fitore radhazi mes kampionatit e Kupës do të luajnë kundër Skënderbeut, që me 31 pikë shpreson të përfshihet në garën për Final Four. Të kuqtë me 40 pikë, ndajnë vendin me Vllazninë dhe nuk duan të lejojnë më shumë se 8 pikëshi actual që i ndan nga Egnatia, por për të dy do të jetë e vështirë.
SUPERIORE, JAVA E XXV
25/02/24Egnatia 13 : 30 Teuta
Kukësi 13 : 30 Erzeni
Skënderbeu 17 : 00 Partizani
26/02/24
Dinamo 17 : 00 Vllaznia
Tirana 17 : 00 Laçi
Shkodranët pasi prishën serinë e 10 rezultateve pozitive radhazi duke u mundur në Kupë nga Erzeni, do të luajnë të hënën në Niko Dovana me Dinamon që vjen nga 4 fitore e një barazim. Po në orën 17 Tirana do të presë Laçin në një ndeshje që askush nuk duhet ta humbasë në rast se duan të ushqejnë ende ambicjet për tu future në katër më të mirët.
