Vdekja e Kelvin Kiptum në moshën vetëm 24 vjeçare tronditi botën e sportit. Mbajtësi i rekordeve botërore të maratonës ishte viktimë e një aksidenti të tmerrshëm automobilistik ndërsa ishte në Kenian e tij të dashur. Pas zbardhjes së lajmit dhe konfirmimit nga autoritetet lokale, kanë mbërritur detaje të reja për atë që ka ndodhur. Një fat i keq për Kiptum, i cili prillin e ardhshëm do të përpiqej të rishkruante historinë e disiplinës së tij.
E në vend të kësaj, jeta e tij u mbyll brenda Toyota Premio, në të cilën ai udhëtonte i shoqëruar nga trajneri i tij, ruandez Gervais Hakizimana. Edhe për të asnjë mundësi mbijetese, ndërsa një person i tretë ndodhet aktualisht i shtruar në spital në gjendje të rëndë, por fatmirësisht jo në rrezik për jetën.
SI NDODHI?
Sipas rikonstruksionit të parë të aksidentit, Kiptum, i cili drejtonte makinën, ka humbur kontrollin e saj, duke përfunduar jashtë rrugës. Nga aty makina ka rënë në një kanal, duke u rrëzuar 60 metra para se të ndalonte në një pemë të madhe. Nuk mund të bëhej asgjë si për maratonistin ashtu edhe për trajnerin e tij. Shërbimet e urgjencës arritën vetëm të nxirrnin gjallë pasagjerin e tretë të automjetit.
Lexo më tej: Aksidenti rrugor i merr jetën rekormendit të maratonës: fatin tragjeik të Kiptum e pati edhe trajneri i tij
Fotot e makinës së shkatërruar u publikuan në Facebook nga një gazetar i njohur afrikan, Gëiji Isaiah, të shoqëruara me këto fjalë: "Mjeti i maratonistit Kevin Kiptum Toyota Premio u përfshi në një aksident përgjatë rrugës Kaptagat-Eldoret, i cili vrau atë dhe trajnerin e tij. Zonja, e identifikuar si Sharon Kosgey, e cila ishte ndër tre pasagjerëve të automjetit në fjalë, i shpëtoi vdekjes me lëndime të lehta dhe u dërgua me urgjencë në spital për mjekim, Ndërsa dy trupat e Kiptum dhe trajnerit të tij u dërguan në morgun e MTRH".
