Fjalët e Orges Shehit pas humbjes në derbin me Dinamon janë emblematike të momentit të vështirë të Partizanit. “Nuk jam këtu të gjej justifikim te humbja. I pari i punës e merr përgjegjësinë vetë”, tha tekniku Shehi pas ndeshjes së humbur me Dinamon. Të kuqtë kanë parë Egnatian të arratiset 11 pikë përpara, vuajnë të kenë vazhdimësi e çështë më e keqja kanë filluar të rikuperohen ca si shpesh. I ndodhi me Laçin, në Shkodër e tani në derbi: tre në pesë ndeshje me teknikun në pankinë.
E të mendosh që Shehi është një nga ata që nuk i pëlqen fare kur skuadrat e tij pësojnë, si shpesh e ka përsëritur edhe para se të merrte Partizanin. Përgjegjësia, si e pranoi vetë, mund të jetë edhe e tij sipas shifrave dhe performancave: vetëm dy fitore, dy barazime e dy humbje me sukseset që kanë ardhur kundër Teutës, që në kohën e ndeshjes ishte e fundit dhe Apolonisë në Kupë, një skuadër e Kategorisë së Parë. Partizani nuk arrin të imponohet në ndeshjet që kanë rëndësi, ato me Vllazninë e Egnatian janë provë, ashtu si është edhe fakti që kjo krizë rezultatesh në të cilën janë përfshirë të kuqtë ka filluar shumë përpara.
Lexo më tej: Video/ Carës i anulohet goli, përjashtohet Vila: Dinamo përmbys Partizanin, fitorja e parë në 15 vjet në derbi
SHIFRAT NUK LËNË VEND PËR DISKUTIM
Vetëm një fitore në 12 javët e fundit të kampionatit, shifra që nuk ngjajnë fare të një skuadre që kërkon të mbrojë titullin, por të një ekipi që lufton për mbijetesë. Që diçka nuk funksiononte duhet të ishte kuptuar në serinë e 6 barazimeve një fitore e një humbje, që lejuan kryesimin e Egnatias dhe afrimin e të tjerëve. Tani Partizani është arritur nga Vllaznia në vendin e dytë, ndërsa ‘Nëndetësja’ kërcënon vendin e katërt të Tiranës. E të dyja mund të gjenden vetëm 3 pikë larg, si për ta bërë më kërcënuese situatën….
