Zëra të bujshëm vijnë nga Spanja në lidhje me teknikun italian Antonio Conte dhe klubin e Barcelonës. Sipas asaj që raporton portali “Sport”, trajneri italian i është ofruar vetë Barcelonës dhe klubi blaugrana po bën të gjitha vlerësimet e nevojshme. Bëhet fjalë për ato ekonomike, teknike dhe karakteriale. Në kërkim të një trajneri pasi Xavi shpalli lamtumirën në fund të sezonit, katalanasit do të ndiqnin rrugë të ndryshme për të gjetur njeriun e duhur. Vetëm se ish-trajneri italian nuk është pikërisht në krye të listës së dëshirave. Në detaje, sipas mediave iberike, objektivi numër një i Barçës për pankinën është në fakt Jurgen Klopp.
Milan, Juve, Napoli, Roma apo Barcelona? Thashethemet dhe zërat e merkatos vazhdojnë të qarkullojnë rreth të ardhmes së Antonio Conte. Lajme që shfaqen në varësi të situatës dhe që mbi të gjitha tregojnë dëshirën e ish-teknikut të Tottenham për t'u rikthyer në detyrë.
Ditët e fundit, për më tepër, zëvendësi i tij Cristian Stellini kishte lënë pak vend për dyshime dhe paqartësi mbi synimet reale të Conte. Ai e lidhi rikthimin e trajnerit vetëm me ambiciet dhe projektet e çdo klubi të interesuar. Një klub elitar, padyshim. Sepse kur Conte përfshihet, ai e bën këtë vetëm në kushte të caktuara teknike. Natyrisht, kuptohet, të tilla që ta vendosin në kushte për të fituar.
Lexo më tej: Liverpool ka kontaktuar me Xabi Alonso: tekniku i Bayer preferohet për vendin e Klopp
Një qëndrim që rëndon mbi zgjedhjen e tij, sigurisht dhe që garanton gjithashtu impenjim total dhe përkushtim të plotë ndaj kauzës. Aspekte që Barcelona, pavarësisht preferencës së saj për Klopp, mund t'i marrë shumë në konsideratë. Ashtu si edhe disa klube italiane në rastin e lamtumirave të rëndësishme. E ardhmja e Conte është ende për t'u shkruar. E pistat italiane nuk janë të vetmet e mundshme.
