Ajo që ndodhi ditët e fundit në Bolzano është e pabesueshme, në një çështje që ka parë protagonist negativ Amney Moutassime, anësorin e majtë 19-vjeçar të Sudtirol. I riu, i cili luan për ekipin e të rinjve, por tashmë ka bërë disa paraqitje me skuadrën e parë, i vodhi makinën njërit prej shokëve të tij të skuadrës. Nisi, më pas, një ndjekje e çmendur me policinë në rrugët e qytetit.
VJEDHJA, NDJEKJA DHE AKSIDENTI
Moutassime, një italian me origjinë marokene, me bashkëpunimin e dy miqve pati idenë e pakuptimtë për të vjedhur makinën e një shoku të skuadrës, pavarësisht se nuk kishte leje drejtimi. Pas vjedhjes, e cila ndodhi në qendër të Bolzanos, filloi një ndjekje nga policia. Makinat që shpejtonin me mbi 100 kilometra në orë, deri në aksidentin që ndaloi arratinë e makinës së vjedhur.
Lexo më tej: Video/ Grabitje, rrahje, 60 denoncime e 10 të plagosur: skena surreale në derbin mes Sturm e AK
Lojtari 19 vjeçar, që sipas asaj që raportoi Tgr Bolzano nuk ishte i lidhur me kontratë me Sudtirol, u përjashtua menjëherë nga ekipi. Motivi ishte për sjellje në kundërshtim me kodin etik të shoqërisë. Siç u përmend, Moutassime luante për të rinjtë e klubit bardhekuq dhe ka diskutuar vetëm disa ndeshje në ekipin e parë.
