Carlos Alcaraz te Juventus. Tenisti? Një pyetje që të gjithëve, ose pothuajse, i ka shkuar në mendje. Përforcimi për mesfushën bardhezi ka emrin dhe mbiemrin e spanjollit të madh, numri 2 në botë pas Novak Djokovic. Një rast i thjeshtë homonimie sepse, duke lënë mënjanë anagrafinë, nuk ka pika kontakti mes dy sportistëve.
CARLOS ALCARAZ LOJTARI E CARLOS ALCARAZ TENISTI
Ndryshe në gjithçka. Futbollisti është argjentinas nga La Plata, tenisti është spanjoll nga Murcia. Mbreti i raketës do të mbushë 21 vjeç në maj, lojtari i ri i Juventus në nëntor bën 22. Nëse dihet pothuajse gjithçka për atletin që do të konkurrojë me Sinner për rolin e numrit një pas Djokovic, ka shumë për të zbuluar për Alcaraz-in tjetër. Ai debutoi në vendlindjen e tij 4 vjet më parë me fanellën me numrin 22 të Racing Club. Goli i tij kundër Centeral Cordoba kishte bërë xhiron e botës për shkak të festës së stilit të Cristiano Ronaldo. A do të jehojë sërish siuuu në Stadium? Tifozët shpresojnë kështu, mesfushori ka një sy të mirë për golin: 20 gola në 130 ndeshje profesionale, 8 me fanellën e Southampton, ku luante sezonin e dytë. Rrjeta e fundit daton më 29 dhjetor 2023 kundër Plymouth Argyle në Championship, divizioni i dytë anglez.
KARAKTERISTIKAT E ALCARAZ
Teknikisht mund të konsiderohet një mesfushor eklektik me vizion të shkëlqyer të lojës. Alcaraz e interpreton fushën në mënyrë moderne: lind si qendër dhe perfeksionohet si gjysëm-anësor. Gjatë karrierës së tij argjentinasi është rreshtuar edhe si mesfushor ofensiv dhe si sulmues.
Giuntoli, i cili e kishte ndjekur tashmë gjatë kohës së tij te Napoli (por edhe Inter kishte qenë në gjurmët e tij), e bëri lëvizjen në heshtje. Pikërisht në një dite në të cilën Bonaventura dhe Pereyra u përfolën për kalimin te Juventus. Sipas asaj që në fund rezultoi, një strategji për të shpërqendruar rivalitetin e mundshëm.
E ndërkohë, ja ku është Carlos Alcaraz, i rrëmbyer konkurrencës së Nottingham Forest. Bardhezinjtë e morën me një hua të kushtueshme me të drejtë blerjeje për një shifër afërsisht 50 milionë për t'i paguar Southampton, që e kishte blinduar me kontratë deri në vitin 2028.
