Edhe me VAR ka polemika, por sidoqoftë me teknologjinë pas shpinës së arbitrave drejtësia edhe vendoset në vend. Kategoria Superiore e ka tashmë sistemin VAR në të gjithë ndeshjet e saj, ndërsa arbitrat kanë qenë të plotfuqishëm në nivelet e tjera të futbollit në vend. Deri tani, sepse Federata Shqiptare e Futbollit bën me dije se së shpejti do të nisë implementimin e sistemit VAR edhe për disa nga ndeshjet e Kategorisë së Parë.
Përfshirja e sistemit VAR edhe në ndeshjet e kësaj kategorie ka qenë një objektiv i hershëm i FSHF-së. Ky sistem përdoret në kampionatin elitar kombëtar që prej sezonit 2021-2022. E tashmë përdoret rregullisht prej tre sezonesh edhe në Kupën e Shqipërisë, duke filluar që nga faza çerekfinale e deri në finalen e madhe.
Lexo më tej: Evolucion në futbollin shqiptar, ndryshon edhe Kategoria e Parë: ja si do të jepen verdiktet
FSHF është duke bërë përgatitjet e fundit që përfshirja e sistemit VAR të nisë menjëherë në pjesën e dytë të sezonit për disa ndeshje të Kategorinë e Parë. Një lëvizje e tillë do të japë më shumë besueshmëri në një kampionat ku polemikat javë të vazhdueshme, me akuza për arbitrime të njëanshme. E tani për t'i zbutur gjërat erdhi sistemi Video Assistent Referee.
