Ashtu siç pritej, ka mbërritur përgjigja e Victor Osimhen ndaj menaxherit të Khvicha Kvaratskhelia. Mamuka Jugeli, që të marten, foli për të ardhmen e nigerianit, duke thënë se me siguri do të largohet nga Napoli në verë, duke e ofenduar indirekt. E përgjigja e Osimhen ishte e ashpër. Një tjetër rast i nxehtë e një tjetër problem për Napolin: "I dashur Mamuka Jugeli - ka shkruar Osimhen në profilin e tij në Instagram - je një copë plehre dhe një turp. Më vjen turp nga mënyra jote e të menduarit o idiot! Mbaje emrin tim larg nga goja jote!".
ÇFARË THA JUGELI
Për të kontekstualizuar fjalët e Osimhen, duhet kthyer te intervista që Jugeli i ka dhënë bashkatdhetarit të tij Tsotne Klinkladze për Sport1 Georgia. Në bisedë menaxheri i Kvara tha fjalë për fjalë: "Osimhen ka nënshkruar një kontratë të re, por a mendoni vërtet se do të luajë për Napolin gjatë gjithë karrierës së tij? Po e them tani, ai do të shkojë të luajë në Arabinë Saudite në verë. Napoli e rriti kontratën e Osimhen, por Khvicha nuk do të pranonte një transferim te sauditët edhe nëse do t'i ofronin një miliardë euro. Ai ndoshta do të pranonte të luante për Real Madrid, Bayern Munich, Barcelonën ose Manchester City. Khvicha ka vullnet dhe objektiva të tjerë. Ai dëshiron të jetë i suksesshëm, dhe ai tashmë po e arrin".
Lexo më tej: Video/ Iku më herët nga Napoli, Osimhen feston në një klub nate në Nigeri: hedh para false mbi njerëzit
MESAZHI PËR NAPOLIN
Fjalë të rënda, që nënkuptojnë një luftë të brendshme, të lidhur me çështjet kontraktuale, me dëshirën për të peshuar rinovimin e kontratës së Osimhen duke e krahasuar atë me situatën e klientit të tij. Gjeorgjiani ende sot ka një pagë identike me atë të rënë dakord në kohën kur mbërriti te Napoli, që është 1.5 milionë në sezon. Shumë larg nga 10 që përfiton tashmë nigeriani. Një mesazh, ai i Jugeli, mbi të gjitha për shoqërinë, duke përdorur Osimhen.
