Natë frike për Demba Seck, futbollistin e Torinos dhe kombëtares senegaleze, i cili u përfshi në një aksident automobilistik rreth orës 3 të mëngjesit të 10 janarit. Mercedesi, me të cilin po udhëtonte sulmuesi, u përplas me shtyllat ndriçuese në anë të rrugës. Ndihmë për të ishte e menjëhershme, me ndërhyrjen e policisë rrugore dhe zjarrfikësve. Seck doli i padëmtuar nga makina e tij, por kur iu kërkua transferimi në spital për kontrolle të mëtejshme, ai refuzoi.
Sulmuesi i lindur në vitin 2001, i rritur në ekipin e të rinjve të SPAL, mbërriti në Torino vetëm dy vjet më parë, në janar 2022. Seck u përfshi në një përplasje të dhunshme në kryeqytetin e Piemontes pranë Via Pietro Cossa. Mercedesi me të cilin po udhëtonte humbi kontrollin, duke u përplasur me shtyllat e dritave, duke rrëzuar dy prej tyre dhe duke pësuar dëme të konsiderueshme. Në vendin e aksidentit ka mbërritur Brigada e Zjarrfikëses për të bërë të sigurt pjesën e dëmtuar të rrugës dhe Rrugorja ka nisur hetimet e para. Ende nuk dihen shkaqet që çuan në përplasjen.
Demba Seck mori gjithashtu ndihmën e parë, por kur iu kërkua të shkonte në spital për kontrolle të mëtejshme duke pasur parasysh shkallën e aksidentit, lojtari nuk pranoi të hipte në ambulancë. Nuk është hera e parë që lojtarët Granata përfshihen në aksidente rrugore. Në fund të nëntorit mbrojtësi Mergim Vojvoda u përfshi në një aksident rrugor në Corso Galileo Ferraris në Torino, përsëri me një Mercedes, në atë rast pa pasoja.
