Frosinone jep spektakël dhe mposht Empolin 2-1 në javën e njëmbëdhjetë të Serie A. Në Stirpe, çoçiarët fituan falë dy golave fantastikë të shqiptarëve Marvin Çuni e Arijon Ibrahimovic. Sulmuesi i kombëtares në minutën e 58' shënoi me një goditje me takë spektakolare. Në minutën e 74', pastaj, kosovari i huazuar nga Bayern Munich Ibrahimovic finalizoi në fund të një aksioni madhështor. Caputo ngushtoi diferencën në minutën e 86'. Di Francesco ngjitet në 15 pikë, ndërsa toskanët mbeten në kuotën 7.
Frosinone dha një shfaqje të madhe në pjesën e dytë, edhe pse rrezikoi në fund. Vendasit mposhtën 2-1 Empolin në një ndeshje plot raste, duke qenë se pas më pak se dy minutash Cancellieri goditi traversën në fund të një aksioni të mahnitshëm personal. Në minutën e 20' çoçiarët kaluan në avantazh. Një gabim i mbrojtjes toskane me Ismajlin dhe shoku i tij i kombëtares kuqezi Çuni përfitoi duke shënuar, por duke u nisur nga pozicion jashtë loje. Megjithatë, këto ishin të vetmet mundësi reale të pjesës së parë, që u ngadalësuan me kalimin e minutave.
ÇUNI E IBRAHIMOVIC MUNDIN ISMAJLIN E BERISHËN
[video width="800" height="450" mp4="https://cdnimpuls.com/lapsi.al/wp-content/uploads/2023/11/cuni.mp4"][/video]
Në pjesën e dytë Reinier tentoi menjëherë me të majtën në zonë pa e trembur Berishën. Megjithatë, në minutën e 57', Frosinone barazoi trarët me një goditje të fuqishme me të djathtën e Mazzitelli që përfundoi në shtyllë. Por avantazhi u shty vetëm për një minutë, pasi Çuni shënoi një gol përrallor me takë. Shtatlarti shqiptar gjeti mënyrën e pabesueshme për të shënuar, pas asistimit të Reinier. Frosinone këmbënguli dhe në mesin e pjesës së dytë goditi traversën, sërish me Mazzitelli. Ndeshja u duk se do të mbyllej zyrtarisht në minutën e 74' me golin e parë të Arijon Ibrahimovic në Serie A. Djaloshi nga Prizreni lëshon një goditje të fuqishme me të djathtën në fund të një aksioni fantastik nga lojtarët e Di Francesco.
Lexo më tej: Zyrtare, sulmuesi i Frosinone për herë të parë në kombëtare: Marvin Çuni thirret për miqësoren me Bullgarinë
Megjithatë, në fund, toskanët e rihapën takimin me kokën e Caputo në minutën e 86'. Një minutë më vonë, ish-lojtari i Samp gjeti edhe 2-2, por ishte në pozicion jashtë loje. Frosinone ngjitet në 15 pikë dhe “dyfishon” Empolin e mbërthyer në 7.
