Antonio Cassano nuk ka frena kur flet në Bobo TV. Ish-sulmuesi i Roma dhe Real Madrid shënjestroi Napolin, duke e nxjerrë jashtë loje për titullin me teknikun Garcia në pankinë. Këto janë fjalët e tij: "Napoli do të luftojë për të hyrë në Champions. Flluska do të shfryhet. E nis nga supozimi se Rudi Garcia është një person shumë i aftë dhe i uroj atij fat. Do të jetë e pamundur të përsëritet ajo që bëri Spalletti. Në intervistat e para ai tha se dëshiron që mesfushorët të shkojnë dhe të presojnë në gjysmëfushën e kundërshtarit. Kam një ndjesi dhe do të them një gjë të fortë. Napoli do të vuajë për të hyrë në katër të parat. Këtë e them në javën e parë, pavarësisht nga fakti se me Osimhen e nis nga 1-0. A ju kujtohet kur erdhi Inzaghi e Inter luante në mënyrë hyjnore. Ne thamë se po përfitonin nga puna e Contes dhe skuadra shkonte me njëmijë në orë. E njëjta gjë mund të ndodhë edhe me Napolin dhe golat ndaj Frosinone janë rezultat i skemave të Spallettit".
Cassano e shpjegoi më mirë konceptin: "Kur siguritë të fillojnë të humbasin, kam përshtypjen se Garcia është i përshtatshëm vetëm për të menaxhuar dhe jo për të dhënë diçka shtesë. Për mua rrezikon edhe për vendin e tretë dhe të katërt - vazhdoi Cassano -. Thashethemet e korridorit thonë se nga lart duan të imponojnë aktivizimin e Raspadori. E përsëris, kur të mbarojë adrenalina, flluska do të shfryhet dhe Napoli do të rrezikojë të mos hyjë as në Champions League”, përfundoi Fantantonio.
Lexo më tej: Merr çdo meritë të titullit, Cassano shpërthen kundër De Laurentiis: “Ka*in ka fituar ai”
LO MONACO I PËRGJIGJET
Pietro Lo Monaco, ish-administratori i deleguar i Catania, Palermo dhe Genoa dhe shumë i vëmendshëm ndaj ngjarjeve të klubit të Aurelio De Laurentiis, u përgjigj ashpër ndaj fjalëve të ish-sulmuesit: "Cassano meriton një lugë çimento që ngurtësohet shpejt në gojë, kështu që të mos flasë më marrëzi. Deklaratat e tij nuk kanë përmbajtje teknike”, përfundoi Lo Monaco.
