Luan sulmohet 'burracakërisht" nga tifozët e Corinthians në një motel: ishte në shoqërinë e pesë femrave

Lojtari i Corinthians, Luan është sulmuar mbrëmë nga tifozët në një motel në qytetin e Sao Paulos. Videoja e sulmit është shpërndarë në rrjetet sociale. Sipas informacioneve fillestare, futbollisti është surprizuar në dhomën e tij nga tifozët e nervozuar. Sipas dëshmitarëve, Luan ka qenë duke pirë duhan dhe pije alkoolike në shoqërinë e katër miqve dhe pesë femrave. Sipas rikonstruksioneve, tifozët e Corinthians pushtuan motelin dhe e detyruan mesfushorin të largohej, duke e sulmuar më pas. Lëndimet e marra nga sportisti nuk janë të rënda. Agresorët madje kërkuan që ai të ndërpresë menjëherë kontratën me klubin. Për momentin Luan ka një kontratë që e lidh me Corinthians deri në dhjetor. Por mesfushori nuk është më mes lojtarëve të thirrur nga trajneri Vanderlei Luxemburgo, edhe pse është ndër më të paguarit e klubit brazilian.

Vídeo do momento em que a Gaviões da Fiel encontrou Luan, do Corinthians, em um motel em São Paulo.

? @centraldotimao pic.twitter.com/RGzDt3HEOI

— Planeta do Futebol ? (@futebol_info) July 4, 2023

Luan, kontrata e të cilit skadon në fund të sezonit, ka postuar në Instagram një foto me rrobat e tij të gjakosura. “Corinthians pranoi me trishtim dhe indinjatë informacionin se sportisti Luan u sulmua nga të supozuarit tifozë”, tha klubi në një deklaratë. "Pas një rasti tjetër të neveritshëm dhune, Corinthians ndjen keqardhje për intolerancën aktuale që dominon futbollin brazilian. Asgjë nuk e justifikon agresionin burracak të vuajtur nga sportisti." Luan pësoi lëndime të lehta pasi u sulmua në një festë që po organizonte në motel të martën, raportuan mediat lokale. 30-vjeçari, i cili dikur ishte pranë Liverpool dhe fitoi një medalje të artë olimpike në Rio 2016, ka shënuar 11 gola në 80 ndeshje për Corinthians. Mesfushori, sidoqoftë, nuk ka luajtur rregullisht për dy sezonet e fundit. Corinthians, tradicionalisht një nga emrat më të mëdhenj në futbollin e klubeve braziliane, ka pasur vështirësi këtë sezon. Ata janë eliminuar në fazën e grupeve të Copa Libertadores, për herë të dytë në historinë e tyre.