“Kemi një ëndërr përpara nesh, të shpresojmë që do të realizohet”. Fjalë të thëna nga CEO i Inter, Beppe Marotta, në prag të finales së Champions kundër City. "Është një ngjarje e jashtëzakonshme, por ka emocionin e duhur. Trajneri është ekspert dhe lojtarët janë profesionistë. Emocioni do të zgjasë sa të arrish në stadium. Pastaj gjithçka harrohet dhe skuadra do të luajë lojën e saj. Merita e madhe shkon për një trajner të ri si Simone Inzaghi që ka një rrugë plot suksese përpara. Ai meriton një përmendje të veçantë. E më pas lojtarët që kanë përmirësuar paraqitjet e tyre teknike, motivuese dhe eksperiencë".
Lexo më tej: Guardiola, Haaland City, asnjë problem për Zhang: "Nuk kemi frikë, nuk është një ëndërr e pamundur"
“Gjithmonë ka shumë emocione, kushdo që është në futboll e di që kjo është ndeshja më e rëndësishme e sezonit. Kjo është finalja e gjashtë e Inter në këtë turne, ku mungonte prej 13 vitesh. Ne do të jemi në histori përtej rezultatit - tha Marotta për Sky -. Për një drejtues krenaria është e madhe. Por duhen shtuar falënderimet për pjesën teknike, nga Piero Ausilio te Javier Zanetti. Logjika e 'kujt shpenzon më shumë, fiton' nuk është e vërtetë. Ka vlera në sport që na kanë bërë të jemi këtu sonte". Më pas një falënderim nga zemra për tifozët: “Ata janë gjithmonë me ne”.
