Aurelio De Laurentiis po krijon shumë armiq për shkak të çështjes Spalletti. Mosmarrëveshjet me trajnerin toskan, arkitekt i kampionatit të tretë të Napolit, e kanë vënë në një pozitë të vështirë me tifozët dhe specialistët. Në mesin e këtyre të fundit është edhe Antonio Cassano, i cili shpërtheu kundër presidentit të napolitanëve.
BoboTv është duke bërë një turne në teatrot italiane dhe ditët e fundit është ndalur në Napoli. Gjatë emisionit ndërhyri edhe Luciano Spalletti, i cili shkoi për të vizituar ish-futbollistët Vieri, Ventola, Adani dhe Cassano. Një mbrëmje festive në të cilën u fol edhe për Napolin, rrugëtimin e titullit, meritat e lojtarëve dhe trajnerëve dhe një dedikim i veçantë për tifozët, të bashkuar nga pasioni i tyre për të kaltrit. Në gjithë këtë idil, megjithatë, ishte edhe zëri kontrovers i Antonio Cassano. Ish-sulmuesi shpërtheu kundër Aurelio De Laurentiis dhe maninë e tij për të marrë të gjitha meritat për këtë titull.
Antonio Cassano nuk e rrudh gojën kur shënjestron objektivin e tij, presidentin e Napolit Aurelio De Laurentiis. Sipas barezit ai është fajtor për marrjen e të gjitha meritave për fitimin e kampionatit italian. Cassano nuk e pranon fare këtë gjë dhe ngriti zërin kundër tij: “De Laurentiis ka*in ka fituar dhe ai ende nuk e ka kuptuar se skuadra është e juaja (duke iu referuar tifozëve), jo e tij. Fituan Giuntoli, trajneri që është një njeri i madh përpara se të jetë një trajner i madh dhe lojtarët”. Si gjithmonë, pa shumë probleme, ish-talenti i Bari Vecchias ka shprehur këndvështrimin e tij.
