Lapsi Video

Aplikacioni

Android iOS
Flash

Sot ndeshja më e pasur në botë: një playoff për promocionin që vlen 200 milionë euro

Lapsi.al 27 May 2023
Sot ndeshja më e pasur në botë: një playoff për
Sot luhet ndeshja që sjell arkëtimet më të pasura në botë. Edhe pse bëhet fjalë për një playoff për promocionin, çeku është më i madh se ai për finalen e Champions League. Ndeshja që vlen ngjitjen nga Championship në Premier League do të transmetohet sot në orën 17.15 me orën tonë. Luton Town dhe Coventry City do të sfidohen për aksesin e fundit në kompeticionin më të lartë anglez. E kjo është ndeshja me përfitimin më të madh në botë. Në fakt, të ardhurat në rast fitoreje në play-off janë 200 milionë euro. Madje ato mundin edhe finalen e Ligës së Kampionëve, ku Real Madrid fitoi 133.7 milionë vitin e kaluar, duke llogaritur gjithë rrugëtimin deri në finale. Në fakt, të drejtat televizive angleze lejojnë të ardhura të pakrahasueshme në futbollin botëror. Mjafton të mendosh se skuadra që merr shumën më të vogël në Premier League, pra Norwich, fiton 100 milionë. Juventus, për të bërë një krahasim, fitoi 91 dhe Inter 84.

PARA TË PAPARA

Për të dyja skuadrat, kjo është një mundësi e jashtëzakonshme, duke qenë se asnjëra prej tyre nuk ka arritur ndonjëherë në Premier League, që kur kampionati anglez ka përjetuar një bum të paparë ekonomik. Luton Town ka munguar aty që nga vitet 1990, ndërsa Coventry nga sezoni 2000-01. Për këto dy realitete të vogla, fitimi i playoff-it dhe fitimi i të ardhurave kaq të mëdha do të bënte të mundur zgjidhjen e shumë situatave të ndërlikuara brenda klubit. E para, ndryshimi i stadiumit dhe, padyshim, fushata e transferimeve për t'u përgatitur për Premier League. Nëse më pas, pasi kanë mbërritur në elitë, nuk arrijnë të qëndrojnë atje, "parashuta" e ofruar nga Federata Angleze është gjithashtu bujare. Në fakt, nëse merren si referencë shifrat e këtij sezoni, ata që bien pas vetëm një viti në Premier League do të merrnin 81 milionë paund si parashutë, plus të drejtat televizive.

Të këshilluara

ide

Flamingot duhet t'i injorojnë hijet e së djeshmes

Strategjia e një pjese të madhe të mbrojtësve oligarko-mediatikë të autokratit është të bëjnë kamikazin duke thithur mbi vete debate shterpë që largojnë vëmendjen nga thirrja: “Rama jeeeepe dorëheqjeeeeeen”

08:25 Andi Bushati

Protesta që e mplaku qeverisjen Rama

Kjo protestë ka nxjerrë në pah se qeverisja dhe kryeministri aktual janë vjetërsira politike që transformojnë demokracinë në sundim. Është i njëjti model i vjetër politik që privatizon pushtetin publik për interesa personale, që i reduktion partitë politike, parlamentin dhe ekzekutivin në zgjatime të vullnetit të liderit

10:41 Blendi Kajsiu

MOTI TIRANA

27°c

KËMBIMI EURO

93.58

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI