Manchester United do të luajë në Champions 2023/2024. Ky është verdikti i rikuperimit të Premier League me Chelsea, i mposhtur nga Red Devils 4-1. Në Old Trafford, vendosën golat e Casemiro (6'), Martial në shtesën e pjesës së parë, Bruno Fernandes me penallti (73') dhe Rashford (79'). Goli i Joao Felix në minutën e 89' ishte i kotë. Ten Hag kalon Newcastle, por, mbi të gjitha, padyshim mban pas Liverpool në vendin e pestë.
Manchester United shfrytëzoi "matcht point" për t'u kualifikuar në Champions League. Ten Hag garanton kështu të paktën vendin e katërt falë fitores së qartë 4-1 të Old Trafford ndaj Chelsea. Një rezultat që çertifikon vendin e pestë të Liverpool, që duhet të kënaqet me Europa League. Sfida u zhbllokua që në minutën e 6' me goditjen me kokë të Casemiro, në krosimin e Eriksen. Në minutën e 29', megjithatë, u shfaqën problemet për ten Hag që humbi Antony, i zëvendësuar nga Rashford. Ndërkohë, vendasit vazhduan të prodhonin lojë dhe dyfishuan në shtesë. Casemiro shpiku një pasim për Sancho, i cili shërbeu për Martiali, që nuk gaboi.
Ndeshja mbyllet përfundimisht në pjesën e dytë dhe brenda 5 minutave. Në minutën e 73', Fofana rrëzoi në zonë Bruno Fernandes, që nuk gaboi nga pika e bardhë. Ndërsa pak më pas Rashford përfitoi nga keqkuptimi mes Fofana dhe Kepa duke fiksuar pokerin. Chelsea arriti të gjejë golin vetëm në minutën e 89' me Joao Felix. United merr një 4-1 që vlen për vendin e tretë, por mbi të gjitha sigurinë për të luajtur në Champions League 2023/2024. Red Devils do ta mbyllin kampionatin në Old Trafford kundër Fulham, ndërsa Blues pësuan humbjen e gjashtëmbëdhjetë. Ndeshja e fundit e këtij sezoni për tu harruar do të jetë në Stamford Bridge kundër Newcastle, që luftojnë me United për vendin e tretë (Magpies janë -2). Vendi i pestë i pashmangshëm gjithsesi për Liverpool, që si nënkampion i Europës vitin e kaluar do ta mbyllë sezonin pa mundësinë për të luajtur në edicionin e ardhshëm të Champions League.
