Lapsi Video

Aplikacioni

Android iOS
Flash

Video/ Inter nervoz para Benfikës: Onana e Brozovic sherr para gazetarëve, i ndajnë shokët e skuadrës

Lapsi.al 18 April 2023
Video/ Inter nervoz para Benfikës: Onana e Brozovic sherr para
Në prag të ndeshjes vendimtare të kthimit për çerekfinalen e Champions League ndaj Benfica, sigurisht që nuk mund të thuhet se klima te Inter është më e qeta. Ajo që ndodhi në stërvitjen e sotme është emblematike. Gjatë kuadratit klasik të nxehjes, Onana dhe Brozovic patën një përballje të ashpër. Vetëm ndërhyrja e menjëhershme e shokëve të skuadrës nuk lejoi që situata të degjeneronte në një sherr të vërtetë, pa ndalim goditjesh. Ndeshja e nesërme në San Siro ndaj Benfica do të jetë vendimtare për Inter dhe teknikun Inzaghi. Situata është komplikuar veçanërisht pas disfatës ndaj Monzës, e 11-ta në një kampionat shumë poshtë parashikimeve. Për këtë arsye, trajneri i kishte kërkuar ekipit të izolohej dhe të ishte i ftohtë. Një ftohtësi që megjithatë nuk u pa në stërvitjen e vigjiljes. Dy nga lojtarët më përfaqësues zikaltër, Onana dhe Brozovic, për pak sa nuk u përplasën para gazetarëve që ndiqnin stërvitjen. Lexo më tej: “Dua Inter në finale se është më i dobëti”. Provokon Gallagher, replikon Inzaghi: “Shpresoj të ketë të drejtë” Skuadra ishte e impenjuar kuadratin kanonik, kur Onana u bë protagonist i një hyrjeje të ashpër dhe energjike ndaj Brozovic. Kroati reagoi duke i bërtitur diçka, që shkaktoi reagimin e portierit. Në atë moment Lukaku dhe D'Ambrosio ndërhyjnë për t'i ndarë dy grindësit, por jo përpara se mesfushori t'i jepte një të shtyrë shokut të skuadrës. Një rast i shuar menjëherë, por që e bën të qartë se si klima te zikaltrit nuk është tamam ajo më e qeta...

Të këshilluara

ide

Çfarë është “Shqipëria e re”?

Shteti, partia dhe pushteti janë personalizuar tek një lider i vetëm. Sot hendeku mes fasadës së propagandës rilindase dhe realitetit që jetojnë qytetarët është bërë po aq i madh sa hendeku mes propagandës komuniste dhe realitetit qytetar dje

21:40 Blendi Kajsiu

Letër e hapur njerëzve të Drejtësisë: Shtet i së drejtës apo bandë e madhe plaçkitësish

Kambanat e kësaj proteste nuk bien vetëm për Edi Ramën, ministrat, parlamentarët, qeverisësit dhe plaçkitësit e tij, ato bien edhe për gjykatesit dhe prokuroret. Pyetja që ngrihet sot nga njerëzit në proteste është: a jeni ju në shërbim të asaj drejtësie që në Kushtetutën tonë formulohet në trajten “E drejta përbën bazën dhe kufijtë e veprimtarisë së shtetit.” apo, si në kohën e Enver Hoxhës, jeni në shërbim të bandës së plaçkitësve që e shkel përditë kufirin e së drejtës?

16:24 Fatos Lubonja

MOTI TIRANA

30°c

KËMBIMI EURO

93.67

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI