Fiorentina hedh hapin më të sigurtë në ndeshjet e para të cerekfinaleve të Conference League. Të besuarit e Italiano e zgjidhën që në ndeshjen e parë në transfertë, me një 1-4 që e bën kthimin një formalitet. Basel i Taulant Xhakës nuk shkon më shumë se 2-2 përballë Nice e në Francë pas 7 ditësh do të ketë për të vuajtur. Sukses i pastër edhe për Anderlecht, që likuidoi me dy gola AZ Alkmaar.
Fitorja e nëntë radhazi e Fiorentinës në Conference League është një simfoni autentike e Violave. Djemtë e Vincenzo Italiano nuk impresionohen nga faktori fushë dhe mposhtën Lech Poznan me një 4-1 të fortë dhe të pakontestueshëm. Fiorentina i afrohet kështu gjysmëfinales, kur do të gjejë fituesin e Basel-Nice (përfundoi 2-2). Cabral (4') zhbllokoi ndeshjen, ndërsa rrumbullakosën rezultatin Nico Gonzalez (40'), Bonaventura (58') dhe Ikoné (63').
Lexo më tej: Video/ Conference League, Ings nuk mjafton për West Ham: Cuypers i jep barazimin Gent, edhe VAR protagonist
Në ndeshjet e tjera, sukses 2-0 në Belgjikë për Anderlecht. Murillo në minutën e 22 zhbllokoi ndeshjen ndaj AZ Alkmaar. Holandezët u munduan të reagonin, por u ndëshkuan nga Ashimeru, i shërbyer nga Amuzu në minutën e 70'. Në Zvicër nuk shkoi shumë mirë për Taulant Xhakën e Andi Zeqirin. Basel barazoi 2-2 me Nice, me dy dygolësha të Amdouni dhe Moffi. Sulmuesi i zviceranëve shënoi fillimish me penallti në minutën e 26', përpara se të përmbysej nga francezi (38', 45+1'). Rezultati u fiksua në të 71' nga goli i dytë i Amdouni, që e bën kthimin një betejë të vërtetë.
Quarter-Finals Europa Conference League
Gent 1-1 West Ham United
Anderlecht 2-0 AZ Alkmaar
Basel 2-2 Nice
Lech Poznan 1-4 Fiorentina
