Spektakël në ndeshjet e para të fazës së 1/8 të Europa League, më katër përplasjet e para që njohën vetëm dy rezultate. Roma e Bayer Leverkusen triumfuan 2-0, ndërsa dy takimet e tjerat përfunduan 2-2. Mourinho duhet të falenderojë linjat e dyta. El Shaarawy e Marash Kumbulla mposhtën Real Sociedad në Olimpico. Aspirinat përsëritën rezultatin kundër Ferencvaros, pa asnjë problem. Vetëm 2-2 mes Arsenal dhe Sporting Lisbona. Ndeshje e hapur dhe argëtuese që në fillim, me portugezët që kaluan në avantazh, por u arritën nga Gunners. Spektakël e barazim (3-3) midis Union Berlin dhe Union Saint-Gilloise, me belgët që rikuperuan një minutë nga fundi.
ROMA 2-0 REAL SOCIEDAD
Roma e Kumbulla për duartrokitje në Europa League. Në ndeshjen e parë të 1/8, skuadra e Mourinho mundi 2-0 Real Sociedad dhe “prenotoi” kalimin e xhiros në funksion të ndeshjes së kthimit. Në Olimpico provë e qartë dhe konkrete e verdhekuqve. Në pjesën e parë El Shaaraëy (13') zhbllokon lojën me një asistim perfekt të Abraham. Pastaj Kubo goditi shtyllën dhe Dybala e Pellegrini pothuajse dyfishuan epërsinë në disa raste. Në pjesën e dytë, spanjollët tentuan të reagojnë, por verdhekuqtë u treguan të rrezikshëm me Belotti dhe më pas rrumbullakosën rezultatin në fund. Kumbulla, i futur në pjesën e dytë, shënoi në minutën e 87'.
Fitorja e linjave të dyta. Hakmarrja e atyre që kanë mundur të presin dhe gjithashtu të vuajnë. Një sukses i rëndësishëm, i qartë, një 2-0 i firmosur nga El Shaarawy dhe Kumbulla. Roma e vendos kështu veten në një pozicion avantazhi të qartë për ndeshjen në San Sebastian, kur pas një jave Real Sociedad do të përpiqet të përmbysë situatën. Mou ishte edhe një herë i pamëshirshëm, duke fituar të 15-ën nga 17 ndeshjet në shtëpi në Europa League.
SPORTING 2-2 ARSENAL
Në Lisbonë është e vështirë të mbash ritmin me aq shumë mundësi shënimi. Në minutën e 22' Arsenal kaloi në avantazh me goditjen me kokë të Saliba nga një goditje këndi. I njëjti aksion vlejti edhe për barazimin e Sporting në minutën e 34' falë kthesës në ajër të Inacio. Edhe në pjesën e dytë gjërat shkuan shumë, Martinelli pati menjëherë një shans dhe ballë për ballë me portierin që devijoi në kënd. Në minutën e 55' Paulinho ishte më i shpejti nga të gjithë për të shtyrë në rrjetë grushtimin e Tuner në goditjen e Gonçalves. Por portugezër u arritën menjëherë. Në pasimin e Xhakës, Morita ishte i pafat ta devijonte pas portierit të tij (62'). Faza e fundit e garës ishte më pak e mbushur me ngjarje e në Londër nis sërish në barazim.
BAYER 2-0 FERENCVAROS
Asnjë komplikacion për Bayer Leverkusen, që drejtoi menjëherë ndeshjen. Në fakt, në minutën e 10' ishte e djathta e Demirbay që kaloi në avantazh gjermanët, pas një trekëndëshi të mirë me Wirtz. Përgjigja e Ferencvaros ishte e gjitha e përqendruar në parabolën e e Zachariassen, që u ndal në traversë në minutën e 27'. Në përgjithësi, skuadra e Xabi Alonso nuk rrezikoi asgjë dhe në minutën e 86' vendosi edhe hipotekën në raundin tjetër. Tapsoba shënoi, duke shtyrë me kokë topin e kthyer nga shtylla në goditjen e lirë të Hlozek.
UNION BERLIN 3-3 UNION SAINT GILLOISE
Gjermanët bënë ndeshjen, edhe pse i vetmi rast për gol erdhi në minutën e 9', me goditjen e Becker, të devijuar nga Moris. Miqtë kaluan në avantazh papritur, kur Boniface goditi nga një distancë shumë e madhe pa shumë shpresë. Devijimi bëri që trajektorja të ndryshojë dhe e bëri të pandalshme (28'). Barazimi i merituar erdhi pak para pushimit. Goditja e lirë e Juranovic ishte perfekte. Në pjesën e dytë, inercia e lojës mbetet për Union Berlin. Ndryshimi ishte se kundërshtarët bëhen fatalë në kundërsulm. Ndodhi në minutën e 58' kur në një top të humbur nga Trimmel, ishte Vertessen ai që dyfishoi rezultatin. Historia u përsërit edhe në minutën e 71' në goditjen e Boniface. Midis (68') është goli i Knoche, i cili humbi penalltinë, por shtyu në rrjetë topin e rikthyer. Në minutën e 89' u rivendos ekuilibri me Michel dhe me ndihmën e një devijimi mposhti Moris.
Europa League Round of 16
Bayer Leverkusen 2-0 Ferencvaros
Roma 2-0 Real Sociedad
Sporting CP 2-2 Arsenal
Union Berlin 3-3 Union St.Gilloise
