Java e 20 e Bundesligës sjell tentativën e shkëputjes për Bayern Mynih, që kaloi në shtëpi 3-0 kundër Bochum. Vendosën golat e Muller (41'), Coman (64') dhe Gnabry (74'). Fitoi edhe Borussia Dortmund, që likuidoi Werder Bremen 2-0. Freiburg rikuperoi në shtëpi 2-1 kundër Stuttgart. Një fitore e rëndësishme jashtë fushe për Leverkusen, 3-1 në fushën e Hoffenheim. I njëjti rezultat edhe në fitoren e Mainz ndaj Augsburgut.
BAYERN MYNIH – BOCHUM 3-0
Bayern Munich dominoi në shtëpi ndaj Bochum, përfundoi 3-0 në Allianz Arena. Në pjesën e parë, bavarezët e nisën fuqishëm menjëherë, duke shkuar pranë avantazhit disa herë në 20 minutat e para. Sanè dhe Gnabry ndër më të frymëzuarit në formacionin e Nagelsmann. Avantazhi erdhi në minutën e 41', kur Thomas Muller përfitoi nga një gabim i bujshëm i mbrojtjes dhe shënoi 1-0 nga jashtë zonës. Në pjesën e dytë vendasit futwn edhe Coman dhe francezi bëri 2-0 në minutën e 64' me një diagonale precize në asistin e Musiala. Dhjetë minuta më vonë verdhi 3-0, e shënuar nga Gnabry. Bayern vazhdon kryesimin, duke u ngjitur në 43 pikë dhe Bochum mbetet në 19 pikë.
WERDER BREMEN – BORUSSIA DORTMUND 0-2
Fiton edhe Borussia Dortmund, që theu 2-0 Werder Bremen. Një pjesë e parë jo emocionuese, me skuadrat që studiuan shumë. Verdhezinjtë iu afruan disa herë avantazhit, por u rikthyen në dhomat e zhveshjes pa asnjë gol. Në pjesën e dytë, formacioni i Terzic shtyu për avantazhin, duke e gjetur në minutën e 67' me golin e Bynoe-Gittens. Në minutën e 84' BVB e mbylli ndeshjen, me Brandt. Përfundoi 2-0, me Borussia që ngjitet në 40 pikë në renditje. Werder Bremen mbetet me 27.
Lexo më tej: Video/ Goleadë e Dortmund, Haller shënon pas 269 ditësh: Union Berlin merr kryesimin e Bundesligës
NDESHJET E TJERA
Fitore e rëndësishme me përmbysje për Freiburg, që mundi në shtëpi 2-1 Stuttgart. Lojtarët e Labbadia kaluan në avantazh, me Fuhrich në minutën e 30'. Në pjesën e dytë, Freiburg barazoi me Grifo në minutën e 60'. Italiani shënoi edhe në minutën e 84', një tjetër penallti për golin e 2-1. Freiburg ngjitet në 37 pikë në renditje, me Stuttgart ende në 16. Gjithcka e thjeshtë për Bayer Leverkusen, që fitoi në shtëpinëë e Hoffenheim 1-3. Miqtë shënuan pas 6 minutash me Andrich dhe u përsëritën në fillimin e pjesës së dytë me Diaby. Në të 56 bëhet protagonist edhe Hlozek që shënoi 3-0. I kotë goli i N’Soki në të 77’, që vulosi rezultatin 3-1. Leverkusen ngjitet në 27 pikë, ndërsa mbetet me 19 Hoffenheim. Po 3-1 fiton edhe Mainz, që kalon në shtëpi Augsburg.
