Tërmeti shkatërrues në Turqi ka përfshirë edhe shumë sportistë. Mes mijëra të zhdukurve nën rrënoja ishte edhe 31-vjeçari ganez Christian Atsu. Por fatmirësisht mediat britanike konfirmuan gjetjen e tij. “Është mirë, ka vështirësi në frymëmarrje dhe plagë në këmbën e djathtë. Është shtruar menjëherë në spital”: këto janë raportimet e para.
Mesfushori ofensiv, Christian Atsu ishte një premtim i madh një dekadë më parë te Porto. Lojtari u ble nga Chelsea, i cili më pas e huazoi te Vitesse, Everton, Bournemouth, Malaga dhe Newcastle. Vitin e kaluar ai u transferua në Turqi pas një sezoni në Arabinë Saudite. Me 65 ndeshje dhe 9 gola me kombëtaren e Ganës, Atsu luan tani për Hatayspor. Klubi është i qytetit të Antiokisë, në jug të vendit në kufi me Sirinë, dhe për këtë arsye një nga zonat më të prekura nga magnituda e jashtëzakonshme prej 7.8.
Lexo më tej: Ekipi i mundjes i Kosovës i shpëton mrekullisht tërmetit në Turqi: Vetëm hoteli ynë mbeti në këmbë
Vetëm të dielën Christian Atsu shënoi golin e fitores ndaj Kasimpasa në minutën e 97-të. Gjithashtu në mesin e të zhdukurve janë drejtori sportiv i klubit Taner Savut, përkthyesi Emre Aslan dhe portieri 28-vjeçar Eyüp Türkaslan. Për këtë të fundit mendohet më e keqja. Ndërkohë shokët e skuadrës Burak Oksuk, Kerem Alici dhe Onur Ergun janë shpëtuar më herët.
