Më keq nuk mund të shkonte. Partizani vazhdon errësirën e 2023 me ndeshjen e 5 radhazi pa fitore. Skuadra e italianit Giovanni Colella është përmbysur në shtëpi nga Laçi 1-2. Avantazhi i Da Silva, autor i një goli fantastik, u përmbys nga Turkaj e Shkurtaj. Laci sheh tashmë zonën europiane dhe mbërrin në vendin e tretë. Partizani nga ana tjetër lejon arratisjen e Tiranës, +6 nga të kuqtë.
[video width="1000" height="552" mp4="https://cdnimpuls.com/lapsi.al/wp-content/uploads/2023/02/partizani-1.mp4"][/video]
Partizani shpresonte në një pikë kthese, duke shpresuar në injektimin e të ardhurve në janar. Mba megjithatë nuk po jep shenja, ndërsa ikjet e Bitrit, Skukës e Rrapajt kanë lënë një boshllëk të madh në skuadër. Presingu ishte arma e të dy teknikëve Colella e Mezani, por rastet më të mira ishin të kurbinasve. Sidoqoftë, Laci shpenzoi dhe u dënua nga një gol fantastik i Da Silva. Braziliani lëshoi një goditje të harkuar që nuk i la asnjë shans Selmanit, të rikthyer në Laç. Ekuilibri megjithatë u kthye në fundin e pjesës së parë. Turkaj i lënë i lirë në qendër të zonës, shënoi me kokë duke mposhtur Hoxhën për 1-1.
[video width="760" height="432" mp4="https://cdnimpuls.com/lapsi.al/wp-content/uploads/2023/02/laci-1.mp4"][/video]
Në fillimin e pjesës së dytë, Laçi filloi të merrte frenat e lojës në duar. Colella manovroi me zëvendësimet, por pa shkundur dot ekipin. Mezani në ënën tjetër i gëzohet kthimit në formë të Vasil Shkurtaj. I tij goli i 2-1, duke shfrytëzuar asistin e Bajramajt. Goli i katërt për sulmuesin, që ka lënë pas dëmtimin. Skuadra e Mezanit, pas avantazhit, u mbrojt me rregull duke mos i lejuar asgjë Partizanit. Ndeshja e pestë radhazi pa fitore, tre nga të cilat humbje, për teknikun italian, që tashmë ndjen pankinën të lëkundet. Tirana tani është +6, ndërsa të kuqtë duhet të ruhen nga pas shpine ku Laci e Erzeni janë vetëm dy pikë larg.
[video width="760" height="432" mp4="https://cdnimpuls.com/lapsi.al/wp-content/uploads/2023/02/laci-2.mp4"][/video]
