Cremonese eliminon në mënyrë sensacionale Napolin me penallti në 1/8 e Kupës së Italisë dhe kalon në raundin tjetër. Tani në rrugën e të besuarve të teknikut Ballardini do të jetë Roma. Miqtë kaluan në epërsi me golin e Pickel në minutën e 18. Skuadra e teknikut Spalletti e përmbysi rezultatin brenda tre minutave. Fillimisht me goditjen fituese të Juan Jesus (33'), më pas me golin e mrekullueshëm të Simeone (36'). Në pjesën e dytë napolitanët administruan avantazhin, por në minutën e 87 u befasuan me një tjetër goditje të shkëlqyer me kokë. Afena-Gyan e coi ndeshjen në kohën shtesë, ku lombardët mbetën në 10 lojtarë. Kartoni i kuq për Sernicola i komplikoi gjërat, por Cremonese rezitoi deri në minutën e 120. Napoli iu afrua disa herë golit të kualifikimit, por në fund ndeshja u vendos nga penalltitë, ku i vetmi gabim u bë nga Lobotka.
Lexo më tej: Video/ Torino me 10 lojtarë mposht Milan: Adopo dërgon skuadrën në çerekfinale të Kupës
ELIMINIMI I BUJSHËM
Napoli humbi me zhurmë me penallti kundër Cremonese në Maradona. Kryesuesit e kampionatit eliminohen kështu nga Kupa e Italisë. Lombardët e teknikut Ballardini fluturojnë në çerekfinale të kompeticionit. Ata do të sfidojnë tashmë në tetë më të mirat Romën. Pavarësisht shumë titullarëve të lënë pushim (mbi të gjithë Kim, Osimhen dhe Kvara), skuadra e Spallettit ishte agresive. Pasi shkoi në disavantazh për shkak të golit të Pickel, napolitanët kthyen ndeshjen. Lombardët morën avantazhin në minutën e 18: Okereke gjeti të lirë Pickel, që nuk gaboi. Juan Jesus dhe Simeone e përmbysin rezultatin, duke e bërë të dukej një mision i përmbushur. Befasia ka ardhur në fund me barazimin e Felix. Zero gola në kohën shtesë, edhe pse Cremonese mbeti me 10 lojtarë. Nga penalltitë, më pas, gabimi i Lobotka nga pika e bardhë ishte vendimtar. Napoli tashmë është jashtë, në mënyrë të bujshme!
