PSG do të ketë një treg transferimi të matur në janar. Asnjë çmenduri, sepse skuadra tani për tani është mirë. E mbi të gjitha sepse rregullat e fair-play financiar nuk e lejojnë këtë. E trajneri Galtier ishte gjithashtu i qartë: “Ne do të bëjmë blerje vetëm në rast largimi”. Në këto orë shitja e Sarabia te wolverhampton mund të materializohet. E drejtuesit tashmë po hetojnë merkaton. Krejtësisht normale, nëse nuk do të ishte një foto që u bë virale në rrjetet sociale. Një foto që nxit të gjitha spekulimet e mundshme, sepse portretizon së bashku presidentin Al Khelaifi dhe kampionin e Liverpoolit, Momo Salah.
Lexo më tej: Firma, për 400 mijë paund në javë, në Mykonos: Salah bëhet lojtari më i paguar në historinë e Liverpool
Shkrepja është e disa ditëve më parë dhe është marrë në një restorant në Londër. Mjaftoi ajo që mediat sociale të ekzaltohen dhe të ushqejnë lajmet e merkatos në Angli. Në tavolinë dallohen Al Khelaifi dhe nga pas Momo Salah, i identifikuar nga prerja tipike e flokëve dhe xhupi. Një foto që mund të jetë fillimi i një operacioni, ndoshta jo për janarin, por për qershorin. Në fakt, sulmuesi i intereson shumë PSG-së, që pas Botërorit të Katarit do të kthehet në qendër të politikave investuese të fondit sovran të Dohas, Qsi, i drejtuar nga vetë Al Khelaifi.
