Së shpejti tifozët, të pranishëm në stadium dhe jo, do të mund të dëgjojnë një pjesë të dialogut mes arbitrit kryesor dhe atij të VAR. Kjo do të bëjë të mundur që ata të marrin shpjegimin e vendimeve mbi veprimet e lojës që kërkojnë ndërhyrjen e video assistance referee. Bordi Ndërkombëtar (Ifab), garantues i rregullave të futbollit, në fakt ka vendosur që kjo risi të futet gjatë Kupës së Botës për Klube, të planifikuar në Marok nga 1 shkurti. Një eksperiment që do të përfshijë gjithashtu edhe Kupën e Botës U20 dhe Kupën e Botës për Femra.
Bisedat mes arbitrit dhe punonjësit të VAR do të mbeten konfidenciale. Ndërsa përfundimi i diskutimit të tyre do të bëhet publik. "Ne mendojmë se është e rëndësishme për sa i përket transparencës. Publiku dhe tifozët nuk marrin informacion të mjaftueshëm se çfarë çoi në një vendim të caktuar". Ky është shpjegimi i CEO-s i FA Mark Bullingham, i cili sot kryesoi mbledhjen vjetore të IFAB në Londër. Në të u diskutua edhe futja e pozicionit jashtë loje gjysmë automatike në Kupën e Botës. Ky rregull u përkufizua si "një sukses". Ashtu si shtesa për të zgjatur kohën efektive të lojës gjatë një ndeshjeje.
Lexo më tej: Ifab e bën zyrtare: rifillimi i kampionateve me 5 zëvendësime
REFUZIMI
Këshilli, ndërkohë, ka refuzuar për momentin propozimin e bërë nga disa kampionate, përfshirë Premier League. Idea ishte përfshirja e zëvendësimeve të përkohshme për rastet e tronditjes cerebrale. Në fund, u vendos që të ngrihej një grup pune, i përbërë nga gjyqtarë, lojtarë, trajnerë dhe të tjerë, për të zhvilluar masa për të përmirësuar disiplinën në fushë. Si dhe për të reduktuar agresionin ndaj gjyqtarëve, lojtarëve dhe zyrtarëve të ekipit në nivel bazë dhe amator. Duke arritur madje edhe në regjistrimin e ndeshjeve për të siguruar dëshmi për sjellje të parregullta.
