Humbja e parë në kampionat këtë sezon po shfaq disa detaje të pashmangshme. Napoli i Spalletti ekspozoi për herë të parë disa dobësi, veçanërisht në nivelin atletik dhe atë të produktivitetit ofensiv. Të kaltrit lejuan Inter të rihapte një kampionat që në nëntor dukej se kishte marrë një drejtim shumë specifik. Dshtimi në San Siro, megjithatë, mund të interpretohet edhe në një mënyrë pozitive. Për këtë duhet parë pikëpamja statistikore dhe, për të thënë të vërtetën, edhe ajo e supersticiozitetit.
Në të dy vitet që ka fituar kampionatin, në fakt, Napoli ka humbur ndeshjen e parë pas pushimit të Krishtlindjes. Ndodhi në 1986/87, kur ekipi i Ottavio Bianchi u shfaq në Firence si kryesues dhe i pamposhtur. Praktikisht e njëjta situatë siç ndodhi të mërkurën në mbrëmje në Milano. Atëherë ata pësuan një 3-1 të rëndë pikërisht në 4 janar. Diaz dhe Antognoni shënuan në pjesën e parë, më pas goli iluzionar i Maradonës në fillimin e pjesës së dytë. Shpresat e napoletanëve përfunduan kur Monelli mbylli ndeshjen një minutë nga e 90’ me një goditje të pabesueshme nga mesfusha.
Lexo më tej: Video/ Inter rihap kampionatin: Dzeko i shkakton Napolit humbjen e parë dhe i bën nder tre skuadrave
Rrethana u përsërit në sezonin 1989/90, por në atë rast u luajt më 30 dhjetor. Të besuarit e Bigoni, ashtu si tre vjet më parë, ishin të pamposhtur në kampionat. Ata pësuan një 3-0 të sikletshme në Romë nga Lazio. Maradona dhe shokët e tij u mundën nga goli i Pini dhe dygolëshi i Amarildo.
