Një makinë ka marrë flakë në Novoselë gjatë kohës që ishte në lëvizje. Automjeti drejtohej nga shtetasi E.D. dhe fatmirësisht nuk ka dëme në njerëz. Mjeti është përfshirë në pjesën e përparme nga flakët, gjatë kohës që makina po udhëtonte nga Fieri drejt Vlorës. Mësohet se në momentet e para pasi drejtuesi, i identifikuar me inicialet E.D, ndaloi makinën, një turiste e huaj i dha ndihmën. Në makinën që u mori flakë ishte dhe një fëmijë, i cili u qetësua nga turisti pas panikut që përjetoi.
Paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
