Pas më shumë se dy vitesh të mungesës së lëvizjes së trenave në një pjesë të zonës veriore këtë të shtunë është vënë në funksion treni Vore-Shkodër. Megjithatë ajo që duhet të ishte një ditë 'feste' për udhëtarët është pasuar me një aksident. Kjo pasi, një trajler është goditur nga treni me pasagjerë që vinte në drejtim të Shkodrës. Nga mungesa e postbllokut ose rojeve hekurudhore, kamioni është goditur. Fatmirësisht nuk pati të plagosur.
Aksidenti ndodhi në Fushë-Mamurras, ku drejtuesi i mjetit nuk ka qenë në dijeni se linja hekurudhore ishte hapur për pasagjerë dhe nga mungesa e vëmendjes është goditur nga lokomotiva.
