Një burrë me 9 gra krijoi një "kalendar seksi" për t’u siguruar që ai të mos harrojë asnjë nga partneret e tij në dhomën e gjumit. Por, pavarësisht nga synimi i tij i mirë, duket se orari nuk ka shkuar plotësisht sipas planit. Arthur O Urso nga Brazili tha se seksi sipas kalendarit ishte i mërzitshëm.
“Jeta jonë seksuale është vërtet argëtuese dhe e këndshme dhe fillimisht u përpoqa të bëja seks sipas programit. Por ndjekja e një orari më shkaktonte shumë probleme dhe ndonjëherë më dukej sikur duhej të bëja seks për shkak të orarit, dhe jo për kënaqësi. Në disa raste kam bërë seks me një grua ndërsa mendoja për një tjetër” – tha ai.
Arthur u bë i famshëm vitin e kaluar pasi u martua me 9 gratë e tij në një ceremoni të përbashkët. Ai synonte të "festonte dashurinë e lirë" dhe të "protestonte kundër monogamisë", por dasma u njoh nga autoritetet pasi poligamia është e paligjshme në Brazil.
Si çdo martesë edhe kjo ka pasur ulje-ngritje. Një prej grave tashmë ka vendosur të divorcohet nga grupi.
"Ajo donte të më kishte të gjithin për vete. Nuk kishte kuptim. Duhet ta ndajmë. Unë isha shumë i trishtuar për ndarjen dhe akoma më i befasuar nga justifikimi i saj. Ajo tha se i mungonte një lidhje monogame” – tha ai.
“Është shumë argëtuese, e këndshme dhe unike të përjetosh gjithçka kolektivisht, dhe të gjithë janë shumë të ndryshëm në shtrat. Njëra prej tyre, nuk do ta përmend emrin për të ruajtur privatësinë e saj, i pëlqen të jetë dominuese dhe më pëlqen një grua që më thotë çfarë do”.
Arthur këmbëngul se gratë e tij nuk e shqetësojnë se sa shpesh të tjerat bëjnë dashuri me të. Ai thotë se xhelozia shfaqet vetëm kur bëhet fjalë për dhënien e dhuratave.
“Kur i kam bërë njërës dhuratë të shtrenjtë dhe një tjetre më të vogël apo më të lirë, mes tyre ka pasur xhelozi. Ato të gjitha kërkojnë që vëmendja, dashuria dhe seksi të jenë pjesë e përditshmërisë sonë dhe unë nuk mund të bëj më shumë për njërën se tjetrën. Unë jam ende duke mësuar për marrëdhënien tonë" – tha ai. ©LAPSI.al
