“Për një drejtësi transparente, të shpejtë dhe efikase”. Ky është slogani i afishuar në faqen e Këshillit të Lartë Gjyqësor, një prej insitucioneve të reja të krijuara nga reforma në drejtësi, për të cilën është investuar kaq shumë dhe është trumbetuar me të madhe si shpëtimi i shqiptarëve.
Por entuziazmi për këtë reformë është venitur me kohë dhe kjo nuk është më lajm për njerëzit me dy pare mend. Problemi tani është se institucionet e reja të drejtësisë kanë nisur të bëhen edhe qesharake. Këshilli i Lartë Gjyqësor ka publikuar sot një njoftim për shtyp.
Emrat e gjyqtarëve/magjistratëve që normalisht do duhej të ishin plotësuar, janë lënë thjesht bosh me disa pika, a thua se përbëjnë ndonjë sekret bërthamor. Për ata që bëjnë humor në rrjet, ky njoftim për shtyp do të konsiderohej si një meme e gatshme. Shiheni më poshtë të plotë. ©LAPSI.al
