Ka rënë nata në të gjithë Ukrainën pas ditës së pestë të pushtimit rus ku zhvillimet kanë qenë të panumërta. Lapsi.al sjellë më poshtë ngjarjet më kryesore të ditës.
Sirenat e sulmit ajror u dëgjuan sërish në Kiev dhe banorët u strehuan në bodrume pas raportimeve për sulme të reja ruse në periferi të kryeqytetit të Ukrainës.
Dhjetëra civilë u vranë më herët gjatë ditës nga sulmet me raketa ruse në qytetin e dytë të Ukrainës, Kharkiv, tha ministria e brendshme ukrainase.
Negociatorët nga Kievi dhe Moska zhvilluan bisedime në Bjellorusi në një përpjekje për t'i dhënë fund konfliktit. Rusia thotë se të dyja palët ranë dakord të vazhdojnë diskutimet dhe do të takohen përsëri "në ditët e ardhshme"
Përpara këtij takimi, presidenti i Ukrainës Zelensky u kërkoi trupave ruse të linin armët dhe bëri thirrje për anëtarësim të menjëhershëm në BE për vendin e tij.
Shell ka njoftuar përfundimin e të gjitha sipërmarrjeve të saj të përbashkëta me kompaninë ruse të energjisë Gazprom pas pushtimit të Ukrainës.
Sanksionet ekonomike globale bënë që Rusia më shumë se dyfishoi normën e saj të interesit në 20% në një përpjekje për të ndalur një rënie të madhe të vlerës së rublës.
OKB thotë se më shumë se gjysmë milioni refugjatë janë larguar nga Ukraina për në vendet fqinje
FIFA dhe UEFA pezulluan të gjitha klubet dhe kombëtaret ruse nga garat.
Kaq për momentin. ©LAPSI.al
