Gjykata Ndërkombëtare Penale e Hagës do të hapë një hetim mbi krimet e dyshuara të luftës të kryera nga Rusia në Ukrainë.
“Ekziston një bazë e arsyeshme për të besuar se si krimet e supozuara të luftës ashtu edhe krimet kundër njerëzimit janë kryer në Ukrainë,” - tha prokurori Karim Khan i gjykatës së Hagës.
“Qëllimi im është që ky hetim të përfshijë gjithashtu çdo krim të ri të supozuar që bie në juridiksionin e zyrës sime që janë kryer nga çdo palë në konflikt në çdo pjesë të territorit të Ukrainës”, - shtoi më tej ai.
Më herët ishte Lituania që i bëri thirrje GJNP të hapte një hetim për krimet e luftës të kryera nga Rusia dhe Bjellorusia në Ukrainë.
Kryeministrja e Lituanisë, Ingrida Simonyte i tha Washington Post: “Ajo që po bën Putin është vetëm një vrasje dhe asgjë tjetër, dhe shpresoj që ai do të shkojë në Hagë”.
Me shtimin e provave të përdorimit të municioneve thërrmuese pa dallim nga Rusia në qytetet ukrainase, dhe rrafshimin e ndërtesave të banimit në Kharkiv në veçanti, qeveria në Kiev po përgatit gjithashtu një çështje kundër Moskës për ta çuar në Hagë. ©LAPSI.al
