Ambasada amerikane në Tiranë ka reaguar me një deklaratë pas vendimit të Gjykatës Kushtetuese mbrëmjen e kaluar për Presidentin e Republikës Ilir Meta. Duke mos ia përmendur fare emrin Ilir Metës dhe as duke iu referuar konkretisht ceshtjes në fjalë si për të rikonfirmuar edhe njëherë "alergjinë" amerikane ndaj tij, selia e rrugës së Elbasanit thjesht shkruan se Gjykata Kushtetuese po "demonstron aftësinë për të përmbushur funksionin e saj parësor". Më poshtë reagimi i plotë.
“??️ | Gjykata Kushtetuese e Shqipërisë, e cila u bë funksionale në dhjetor të vitit 2020, po demonstron aftësinë për të përmbushur funksionin e saj parësor dhe thelbësor duke shqyrtuar faktet dhe argumentet e paraqitura nga palët përkatëse, duke diskutuar mbi këto fakte dhe argumente në bazë të Kushtetutës dhe duke dhënë vendime që pasqyrojnë pavarësi dhe integritet. Shtetet e Bashkuara mbështesin fuqimisht zbatimin e reformës në drejtësi, përfshi një gjyqësor profesional, të pavarur, si institucion thelbësor për të garantuar shtetin ligjor, si dhe ndarjen dhe balancimin e pushteteve”.
©LAPSI.al
