Dy operacione të finalizuar me sukses nga policia e Lezhës çuan në arrestimin e tre personave dhe sekuestrimin e 50 kg lëndë narkotike.
Në një njoftim për mediat, policia thotë se brenda 12 orëve në opeacionin policor të koduar “Munella”, ranë në pranga dy persona dhe u sekustruan 31 kg e 600 gramë lëndë narkotike. Kurse në operacionin e koduar “Kaçinari”, u vu në pranga një 36-vjeçar, ndërsa u procedua në gjëndje të lirë i ati, si dhe iu sekuestrua 18 kilogramë lëndë narkotike e dyshuar cannabis sativa.
Në pranga ranë shtetasit V .Ll., 49 vjeç, lindur në Domgjon, Mirditë, banues në Zejmen, Lezhë dhe P.N. 43 vjeç, lindur në fshatin Xhuxhë, Mirditë, banues në Tale, Lezhë, për veprën penale “Prodhimi dhe shitja e narkotikëve, kryer në bashkëpunim.
Në kuadër të operacionit policor të koduar “Kaçinari ” , në fshatin Arrëz, Kaçinar , shërbimet e Policisë kanë ushtruar kontroll në banesën e shtetasit B.Ç. dhe kanë gjetur dhe sekuestruar në cilësinë e provës materiale 18 kilogramë lëndë narkotike të dyshuar cannabis sativa.
Si dhe proceduan penalisht në gjëndje të lirë për shkak të problemeve shëndetësore, babain e tij shtetasin P.Ç.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme
