Në 24 orët e fundit, Italia regjistroi 179.106 raste të reja me koronavirus krahasuar me 1.117.553 testime. Ndërsa një ditë më parë ishin 188.797 nga 1.110.266 teste. Kështu bën të ditur Ministria e Shëndetësisë, sipas së cilës janë shënuar 373 viktima, ndërsa të enjten ishin 385. Sipas buletinit të Ministrisë së Shëndetësisë, aktualisht janë 2.695.703 pozitivë me Covid në Itali, me një rritje prej 13.662 në 24 orët e fundit. Që nga fillimi i pandemisë, totali i rasteve është 9,603,856, ndërsa vdekjet janë 142,963. Sa i përket fushatës së vaksinimit, dozat e vaksinave të administruara në total janë pothuajse 123 milionë.
