Prej ditësh, ajo që ndodh brenda selisë së Partisë Demokratike është kthyer në një mister të vërtetë. Mbështetësit e ish-kryeministrit Sali Berisha e akuzuan kryetarin Lulzim Basha se po e kthen PD-në në bunker duke mos lejuar anëtarët e Komisionit të Përkohshëm të rithemelimit të hyjnë brenda.
Gjatë ditës lapsi.al publikoi një video ku dukej blindimi njërës prej dyerve të selisë blu.
Lapsi.al ka siguruar një tjetër foto nga transformimi brenda selisë së PD-së në pritje të protestës së të shtunës. Siç duket nga fotot, bien në sy dyer të rënda prej hekuri dhe dritare të fortifikuara. ©LAPSI.al
[video width="848" height="480" mp4="https://cdnimpuls.com/lapsi.al/wp-content/uploads/2022/01/WhatsApp-Video-2022-01-06-at-5.19.11-PM.mp4"][/video]
