Nën masa të rrepta sigurie, është sjellë mbrëmjen e sotme pranë ambienteve të Gjykatës së Shkallës së Parë Berat 45-vjeçari B.K.
Në një seancë që ka zgjatur vetëm 5 minuta, të arrestuarit i është njohur me akuzën e ngritur ndaj tij nga prokurorja A.Papajani si dhe me masën e sigurisë "arrest në burg" të dhënë për të në mungesë, masë që i është komunikuar nga gjyqtarja Matilda Llangozi.
Pasi ka dëgjuar akuzën, mësohet45-vjeçari se ka thënë vetëm "është një montim" dhe më pas policia e ka nxjerrë nga salla dhe e ka shoqëruar drejt ambienteve të IEPV-së Berat.
Ndaj 45-vjeçarit rëndon akuza për "marrëdhënieve seksuale ose homoseksuale me të mitur".
Ai u arrestua mesditën e sotme në pikën kufitare të Morinës, duke ardhur për Shqipëri.
45-vjeçari nga Prizreni, u akuzua nga nipi i tij 8-vjeç se kishte abuzuar me të seksualisht një muaj më parë,kur ai me nënën kishin shkuar për pushime tek daja në Prizren.
