Në takimin që ish-kryeministri Sali Berisha pati me gratë e Partisë Demokratike foli edhe për përplasjet që kryetari Lulsim Basha ka me LDGSH, forumin e grave në këtë parti që drejtohet nga deputetja Albana Vokshi.
“Një ditë Basha mori në telefon Vokshin dhe i tha kam shpallur garën për kryetaren e re” – tha Berisha që theksoi se është vetë forumi që shpall zgjedhjet.
Ndërsa deputetja Albana Vokshi tha se Basha i kishte thënë gjëra të rënda në telefon.
“Në telefonatën që më bëri Basha hodhi akuza të rënda. Akuza ishte që ishim përfshirë në veprime antistatuore. Ku ishte? Fakti që kemi firmosur për Kuvendin e 11 dhjetorit? Nuk e zhbën dot punën tuaj zoti Basha sepse keni dalë derë më derë për të mbledhur vota. Unë zgjodha foltoren sepse unë s’mund të rrija vetëm në një zyrë bosh” – tha Vokshi.
Pak ditë më parë kreu i PD-së Lulzim Basha njoftoi nisjen e garës për kryetar të Lidhjes së Gruas së PD me argumentimin se strukturave u kishte mbaruar mandati. Kjo u kundërshtua nga Vokshi që tha se sipas statutit është vetë ky forum që e hap garën. ©LAPSI.al
