A e mund dot Edi Ramën nese vjen në krye të PD? Kësaj pyetje Sali Berisha iu përgjigj me optimizmin që tregon gjithmonë kur flet për garat me kundërshtarët e tij. Por në intervistën që dha në Syri Tv, Berisha pranoi për herë të parë disa nga shkaqet që humbi zgjedhjet në 2013-ën.
“Unë kam fituar disa zgjedhje me Ramën. Ai përpiqej me fushata negative pasi kishte marrë një nga këshilltarët më të fortë të fushatave negative. Dhe në 2005-ën edhe pse përballë ishte Nano ai frymëzonte spotet me 97-ën.
Në zgjedhjet e 2013-ës ai bëri një ndryshim. Aty ndikuan më së shumti 2 faktorë i pari lidhej me premtimet dhe i dyti me moshën.
Përsa i përket faktorit moshë, ka pasur një ndikim të vogël, por disa nga premtimet e tij, pasi ai bëri 63 të tilla, filluan të ngjisnin.
Shëndetësia falas, ngjiti. Ulja për ushqimet, zhdukja e listave. Faktori moshë ka pasur rolin e vet, por faktori premtim ishte më kryesori. Tani ia kanë pirë lëngun dhe nuk premton dot më asgjë” – tha Berisha. ©LAPSI.al
