Presidenti rus Vladimir Putin ka thënë se tërheqja e SHBA nga Afganistani ka shkaktuar një katastrofë humanitare. Putin ka shtuar se nuk janë nxjerrë mësime nga ndërhyrjet e mëparshme të drejtuara nga SHBA.
Presidenti rus tha se përpjekjet e vendeve perëndimore për të imponuar demokracinë me forcë dështuan. Sanksionet, tha ai, qoftë kundër Rusisë apo vendeve të tjera ishin vazhdimi i së njëjtës politikë të dështuar.
Ndërkohë, ambasadori rus në Kabul i tha agjencisë së lajmeve RIA se Rusia është në kontakt me anëtarët e mundshëm të qeverisë së re të talebanëve.
Por ai theksoi se Moska nuk planifikonte të furnizonte regjimin e ri me armë. Në fillim të kësaj jave Presidenti Putin u bëri thirrje talebanëve të “hyjnë në familjen e kombeve të civilizuara”.
