Presidenti i SHBA Joe Biden e filloi fjalimin e tij drejtuar kombit duke thënë se situata në Afganistan "po evoluon me shpejtësi". Ai tha se ekipi i sigurisë kombëtare të Shtëpisë së Bardhë "po monitoron nga afër situatën në terren".
Biden tha se ai dëshiron t'i kujtojë vendit "se si arritëm këtu dhe cilat janë interesat e Amerikës në Afganistan".
Ai tha se misioni amerikan në Afganistan që filloi dy dekada më parë "kurrë nuk supozohej të kishte qenë ndërtimi i një kombi".
"Në shkuam në Afganistan gati 20 vjet më parë me qëllime të qarta: të gjenim ata që na sulmuan më 11 shtator 2001 dhe të siguroheshim që Al Kaeda nuk mund ta përdorë Afganistanin si një bazë nga e cila do të na sulmojë përsëri. Ne e bëmë atë.
Ne kurrë nuk hoqëm dorë nga gjuetia për Osama bin Laden dhe e gjetëm atë. Kjo ishte një dekadë më parë. Misioni ynë në Afganistan nuk ishte menduar të ketë qenë ndërtimi i kombit" - tha ai.
"Interesi ynë i vetëm jetik kombëtar në Afganistan mbetet sot ajo që ka qenë gjithmonë, të parandalojmë një sulm terrorist në atdheun tonë" – tha Biden. ©LAPSI.al
