Gazetarja e CNN, Clarissa Ward ka qenë një nga korrespondentet kryesore të raportimit të ngjarjeve më të fundit në Kabul.
Një ditë pas triumfit të talebanëve ajo ka bërë një reportazh në rrugët e kryeqytetit afgan, por është detyruar që të veshë burka. Në një moment turma dëgjohet të brohorasë.
“Po thërrasin “Vdekje Amerikës”, por duken njerëz të shoqërueshëm” – tha ajo.
Ndërsa në afërsi të selisë së Presidencës pati një situatë të tensionuar.
“Më lanë në një cep. Më thanë të largohem sepse jam grua” - tha ajo.
Ndërsa qytetarë të thjeshtë që ajo intervistoi thanë se kërjojnë paqen dhe se e kanë të pamundur të parashikojnë se çfarë do të ndodhë në të ardhmen. ©LAPSI.al
