Pritjen në Rinas nga kryeministrit Edi Rama të dozave të reja të vaksinave, kryetari i Partisë Bindja Demokratike, Astrit Patozi e konsideron spektakël të shëmtuar. Sipas tij, edhe ushtarë që vijnë nga lufta nuk do të kishin për kaq shumë temena.
“Boll me këtë spektakël të shëmtuar! Po boll, mor burrë, me këtë butaforinë e pritjes në aeroport të vaksinave, se e bëre baltë fare!
Edhe ushtarë që ktheheshin nga lufta të ishin, nuk do të kishte qenë nevoja për kaq shumë temenara, që shkëlqejnë nga hipokrizia dhe përdorimi politik për fushatë.
Dhe të mendosh që bëhet fjalë vetëm për një grusht dozash dhe aspak për sasinë që ka nevojë vendi për t’u çliruar nga ankthi i Covid 19” – shkruan Patozi në rrjetet sociale. ©LAPSI.al
