Qe në votat e para të numëruara të zgjedhjeve të së dielës në Kosovë u vu re se Vetëvendosje e Albin Kurtit do të kishte një rezultat të thellë. Kur janë numëruar 19.86% e votave, Lëvizja Vetëvendosje ka marrë 45.10% të votave.
Në vend të dytë renditet PDK me 18.79% të votave e ndjekur nga LDK me 13.68% të votave. Një zhgënjim i thellë për këto dy parti, por sidomos për forcën e udhëhequr nga Isa Mustafa që duket se ka marrë një “shuplakë të fortë” edhe në bastionet e saj.
Sipas rezultateve zyrtare paraprake, më pas vjen AAK me 8.85% të votave. Deri tani NISMA ka 2.85% të votave duke mos e kaluar pragun për të hyrë në parlament, por janë ende shumë vota për tu numëruar.
Fitorja e Vetëvendosjes u paralajmëruar edhe nga disa EXIT POLL-e që u publikuan menjëherë sapo u mbyllën qendrat e votimit. Sipas këtyre Exit Poll, Vetëvendosje do të marrë mbi 50 deputetë dhe se bashku me pakicat mund të krijojë një qeveri deri diku solide. Me publikimin e këtyre të dhënave paraprake, mbështetësit e Vetëvendosjes nisën festën në rruigë pavarësisht të ftohtit të acartë dhe masave të pandemisë.
Komisioni Qendror i Zgjedhjeve bëri të ditur se pjesëmarrja në zgjedhje ishte mbi 47.08%. kjo është një pjesëmarrje më lartë se në zgjedhjet e vitit 2019 kanë votuar 44.18%.
Policia e Kosovës tha se gjatë procesit të votimit ka pasur incidente të vogla që nuk e cenojnë integritetin e procesit. Janë raportuar persona që fotografonin votën apo të tjerë që kanë tentuar të votojnë më shumë se një herë. Shqetësim në Prishtinë ka qenë se në orët e fundit ka pasur fluks votuesish dhe se në disa qendra mungonin fletët e votimit. ©LAPSI.al
