Në një intervistë për mediat e huaja, ish-presidenti i SHBA-së, Barack Obama, ka treguar se s’do ta kursejë aspak ndihmën për presidentin e ri të vendit, Joe Biden. Teksa i përgjigjej pyetjeve sesi do ta ndihmojë Biden kur ai të marrë detyrën e Presidentit në janar, ai tha se miku i tij nuk ka nevojë për këshilla. Megjithatë, Obama deklaroi se s’do t’ia mohojë asnjëherë ndihmën me gjithçka që i duhet.Por, e vetmja gjë që ish-presidenti nuk “guxon” të bëjë sërish është të kthehet në administratë. Shkak i këtij vendimi duket se është bërë bashkëshortja e tij, Michelle Obama.
“Unë do ta ndihmoj në çdo mënyrë të mundshme. Megjithatë nuk kam ndërmend të filloj të punoj si anëtar i kabinetit të Shtëpisë së Bardhë. Ka disa gjëra që nuk do të bëja sepse Mishel do të më linte menjëherë.”- ka treguar ai me humor.
Mesa duket, punët e bashkëshortit në politikë duket se e kanë lodhur Michelle, ndaj ajo ia ka ndaluar kategorikisht rikthimin.
