Harry Styles ka arritur një mori suksesesh dhe sapo shtoi edhe një më shumë, duke u bërë mashkulli i parë që shfaqet vetëm në coverin e Vogue në historinë 127-vjeçare të revistës.
Të premten, revista zbuloi se kantautori ishte në kopertinën e dhjetorit, ku shfaqej me një tullumbace blu ndërsa ishte veshur me stil me një xhaketë të zezë dhe veshje të dizajnuar nga Gucci.
Në këtë numër, ai ka folur për stilin e tij, muzikën dhe detaje të tjera interesante.
Këngëtari britanik dihet se ka adoptuar një stil më androgjen viteve të fundit dhe ai tani po kërkon që të influencojë edhe të tjerët me stilin e tij.
“Si fëmijë më pëlqente padyshim veshjet festive me ngjyra. Mbaj mend një herë që kisha veshur një palë geta. Çmenduri. Dhe kjo ishte mbase pika ku nisi e gjitha! Më pëlqen të luaj me veshjen në përgjithësi. ”tha ai.
Ai vazhdoi të flasë për tranzicionin e tij në stil, në atë që tani është bërë stili i tij identifikues, edhe për stilistin e tij, Harry Lambert.
“Ai thjesht argëtohet me veshje, dhe nga këtu e kam marrë edhe unë këtë mendësi. Ai nuk i merr shumë seriozisht gjërat, që do të thotë se as unë nuk i marr shumë seriozisht. Ju kurrë nuk mund të jeni të ngarkuar në veshjen tuaj. Nuk ka diçka të tillë. Njerëzit që unë i kisha modele në muzikë – Princi dhe David Bowie dhe Elvis dhe Freddie Mercury dhe Elton John – ata janë showmen të vërtetë. Si fëmijë ishte plotësisht i hallakatur. Tani vesh diçka që duket vërtet e shkëlqyer dhe nuk ndihem si i çmendur duke e veshur atë “.
Më tej shtoi:
“Rrobat janë atje për t’u argëtuar dhe eksperimentuar dhe për të luajtur me të. ‘Ka rroba për burra dhe ka rroba për gra’, pasi të hiqni çdo pengesë, padyshim që hapni arenën në të cilën mund të luani. Unë kurrë nuk kam menduar me të vërtetë shumë për atë që do të thotë një veshje.”
