Akademia e Sigurisë ka pritur të hënën 500 të rinj, 59 prej tyre janë vajza të cilët nisën rrugëtimin për tu bërë pjesë e Policisë së Shtetit.
Krahas studentëve në programin për patrullë të përgjithshme, studimet në Akademi i kanë nisur dhe 30 të tjerë që do ndjekin kursin e policisë kriminale. Ministri i brendshëm Sandër Lleshaj premtoi ndërtimin e një kampusi të ri për policët e shtetit, pjesë e së cilës do jetë dhe akademia e sigurisë.
“Projekte madhore janë në zhvillimin për modernizimin e policisë dhe Akademisë ndër të cilët kryeson ai për ndërtimin e kampusit të ri të Policisë së Shtetit, pjesë e së cilës është edhe Akademia e Sigurisë.”, tha ministri Lleshaj.
Ministri tha se së shpejti do të bëhet i publik binjakëzimi i Akademisë me një institucion homolog nga Bashkimi Evropian me qëllim zbatimin e standardeve të të reja për organizmin dhe funksionimin e institucionit.
“Përmes këtij programi intensiv arsimimi dhe trajtimi, qeveria shqiptare dhe Ministria e Brendshme synojnë që Policia e Shtetit të arrijë nivele krejt të larta, të arrijë një profil të ri profesional.”, u shpreh ministri i Brendshem.
Studentët pas përfundimit të studimeve të rinjtë do të përfshihen në strukturat e hetimit në Policinë e Shtetit.
