Edi Rama vijon të vendosë përballë Lulzim Bashës drejtues të BE, të cilët kanë shprehur mbështetjen e fortë për Shqipërinë për hapjen negociatave.
Kësaj here shefi i qeverisë i përgjigjet akuzave të kryedemokratit me Presidentin e Komisionit Evropian, Jean Claude Juncker, i cili sipas Ramës ky i fundit ka deklaruar se refuzimi i negociatave nga BE-ja për Shqipërinë është një gabim historik.
“Refuzimi i Shqipërisë dhe Maqedonisë së Veriut është një “gabim historik”. Nëse duam të respektohemi, duhet të mbajmë premtimet”- tha Juncker.Nga ana tjetër, kryeopozitari thotë se moshapja e negociatave me Bashkimin Europian është dështim personal i qeverisë shqiptare.
“Vendimi për të mos hapur negociata është dështimi i qeverisë shqiptare” ka thënë Basha.
