Gjendet i vdekur në banesë një 30-vjeçar nga Ksamili. Kanë qenë familjarët ata të cilët kanë gjetur pa shenja jete shtetasin Ervis Oruçi. Mësohet se Oruçi ishte person me precedent penal në vjedhje dhe prodhim dhe shitje narkotikësh si dhe përdorues droge.
Sipas informacioneve të para bëhet me dije se shkak për vdekjen e tij është bërë marrja e një sasie medikamentesh. I riu, kishte pak javë që kishte dalë nga spitali psikiatrik i Vlorës. Sakaq policia po punon për zbardhjen e plotë të ngjarjes.
