Vijojnë reagimet nga përfaqësues ndërkombëtar në vend pas “jo”-së së BE-së për hapjen e negociatave me Shqipërinë dhe Maqedoninë e Veriut. Në vazhdë të tyre, ka qenë Ambasadori i Bashkimit Europian në Shqipëri, Luigi Soreca ai i cili ka shprehur keqardhjen për vendimin përfundimtar të BE-së.
Përmes një shkrimi në rrjetet sociale, Soreca shprehet se dy vendet e Ballkanit Perëndimor nuk janë fajtore për këtë vendim duke ftuar ato të mos heqin dorë nga procesi i integrimit.
“Maqedonia e Veriut dhe Shqipëria nuk janë fajtorë për këtë … Sot do të doja t’u dërgoja një mesazh miqve tanë shqiptar dhe maqedonas: Ju lutem mos hiqni dorë … Unë nuk kam asnjë dyshim absolutisht se një ditë do të bëheni anëtarë të plotë të BE-së”, shkruan Soreca.
